po czesku


KONFERENCA SLAVICORP
Waršawska uniwersita, 22. do 24. nowembra 2010


The latest information about registration, accommodation and conference program are published in the English, Polish and Russian version of the Slavicorp web pages.

http://www.slavicorp.polon.uw.edu.pl/english/call_papers_en.html

Registracija

Komisija za korpusowu linguistiku

Wotrjad polonistiki Waršawskeje uniwersity, Załožba za pólsku rěč a Narodny korpus pólskeje rěče maja tu česć, přeprosyć na prěnju konferencu SLAVICORP, kotraž wěnuje so korpusam słowjanskich rěčow. Zetkanje zastupjerjow korpusowych slědźenišćow ze słowjanskich krajow budźe zwjazane z organizatoriskim zeńdźenjom Komisije za korpusowu linguistiku słowjanskich rěčow při Mjezynarodnym komiteju slawistow. Konferenca wotměje so na Waršawskej uniwersiće wot 22. do 24. nowembra 2010.

Mjezynarodny komitej slawistow je na swojim zetkanju w Starej Lesnej 27. awgusta 2009 Komisiju za korpusowu linguistiku wutworił. Tutón rozsud rezultowaše z próstwy zastupjerjow někotrych słowjanskich narodnych korpusow, kotřiž běchu so w lěće 2009 na konferencomaj we Łódźi (PALC) a Waršawje (Mondilex) zešli. Próstwu wo powołanje korpusoweje komisije při MKS, kotraž móhła so stać stajny forum za wuměnu nazhonjenjow, podpisachu zastupjerjo narodnych korpusow a slědźenišćow za korpusowu linguistiku z Bołharskeje, Čěskeje, Chorwatskeje, Pólskeje, Ruskeje, Słowakskeje, Słowjenskeje a Ukrainy.

TEMATIKA KONFERENCY

Konferenca wěnuje so sćěhowacym temam (delnja lisćina njewučerpa wšitke móžnosće):
  • Najnowši staw jednotliwych narodnych korpusow słowjanskich rěčow
  • Nowe słowjanske korpusowe iniciatiwy, tež korpusy dotal njereprezentowanych rěčow
  • Paralelne korpusy słowjanskich a dalšich rěčow
  • Korpusy a słowniki (elektroniske a tradicionalne)
  • Historiske korpusy a zběrki literarnych tekstow w syći
  • Kubłanske programy a systemy, kotrež bazuja na korpusach. Korpusy w šulskej a uniwersitnej didaktice
  • Pytanske programy a tagsety. Gramatiske woznamjenjenje teksta we wšelakich słowjanskich rěčach

TEMATISKE SEKCIJE

Wosebita tematiska sekcija zaběra so z projektom pólsko-ruskeho paralelneho korpusa, kotryž přewjeduje so wot Waršawskeje uniwersity, Baškirskeje uniwersity pedagogiki w Ufje, Narodneho korpusa pólskeje rěče a Narodneho korpusa ruskeje rěče.

PLENARNY PŘEDNOŠK

Plenarny přednošk dźeržy profesor František Čermák, direktor Českego narodnego korpusa.

ORGANIZACISKI KOMITEJ

  • Jacek Duda, Institut slawistiki Waršawskeje uniwersity - sekretar konferency
  • Milena Hebal-Jezierska, Institut slawistiki Waršawskeje uniwersity
  • Magdalena Kuratczyk, Institut Rusistiki Waršawskeje uniwersity
  • Marek Łaziński, Institut pólskeje rěče Waršawskeje uniwersity, Załožba za pólsku rěč
  • Adam Przepiórkowski, Narodny korpus pólskeje rěče

Z organizatoriskimi prašenjemi wokoło konferency wobroćće se na: jacek.duda1 at gmail.com.